Muqdisho: Wasiirka arrimaha gudaha xukuumadda federaalka Somalia Cabdi Maxamed Sabriye ayaa maanta magaalada Muqdisho ka daah-furay shir looga hadlayo nabadeynta magaalada Gaalkacyo e xarunta gobolka Mudug.
Shirkan oo ah mid muhiim ah ayaa waxaa diirada lagu saarayaa xiisadaha ku soo noq noqday magaaladaasi iyo sida looga hortagi karo.
Waxaana ka qeyb galaya shirka mas’uuliyiin ka kala socota maamullada Gaalkacyo ee Puntland iyo Galmudug.
Sidoo kale waxaa shirka qeyb ka ah xubno ka socda qeybaha bulshada ee magaaladaasi, si ay aragtidooda ugu biirayaan shirkaasi.
DFS ayaa wada qorshe guud oo lagu xasilinayo amniga Gaalkacyo oo marar badan marti galisay xiisado xoogan.
Xaaladda Gaalkacyo ayaa muddooyinkii dambe daganeynd, waxaana, haatan ka howlgala Ciidamo isku dhaf ah oo loo sameeyay xasilinta magaaladaasi.
Bandhiga Media 2018
