Dowladda Soomaaliya ayaa sheegtay iney ciidamadeeda u direyso dalka colaadaha ka jiraan ee Koodurta Suudaan si kor loogu qaado nabad-galyada dalkaasi, iyadoo saraakiisha Koofurta Suudan iyo mucaaradka ay soo afjareen dagaaladii sokeeye socday Shantii sano ee la soo dhaafay.
Hadalka ka soo dowladda Soomaaliya ayaa ku soo aadaya xili dhinacyada isku haya Koofurta Suudaan ay heshiis nabadeed ku kala saxiixdeen magaalada Addis Ababa ee dalka Itoobiya, waxaana Soomaaliya ay kamid noqotay dalalkii urur goboleedka IGAD uu ka dalbaday iney ciidamo u diraan koofurta Suudaan.
Wasiir ku xigeenka wasaaradda waxbarashada hidaha iyo tacliinta sare ee dowladda Soomaaliya Cabdiraxmaan Jabir ayaa xusay in aysan ka labalabeyn doonin in ay ciidan u diraan dalka Koofurta Suudaan.
IGAD ayaa soo jeedisay in wadamada Soomaaliya, Uganda, Sudan iyo Jabuuti laga doonayo ciidan nabad ilaalin ah oo loo diro Koofurta Suudan si looga caawiyo nabad galyada iyo amniga.
