Ciyaar xiiso badneyd oo garoonka London Stadiumku dhexmartay kooxaha West Ham iyo Manchester United ayaa waxaa baalaha rooga rifay kooxda shayaadiinta cas cas oo 3-1 looga awood roonaaday.
Daafa Man U Felipe Anderson ayaa iska dhaliyay Own Goal, guulasha kalena waxaa u kala dhaliyayWest Ham ciyaartoyada kala ah Victor Lindelof iyo Marko Arnautovic.
Hal gool oo kaliya ayey la timid Manchester United waxaana u dhaliyay Marcus Rashford waxaana Manchester ay noqoneysaa mid sii wada bilowgeeda liita ee xiliciyaareed kaan kadib guul daro ka soo gaartay West Ham United.
Kooxda tababare Mourinho ayaa ku bilaabatay bilowgii ugu xumaa ee taariikhda Premier League kadib markii ay shaqaysatay kaliya 10-dhibic 7-dii kulan ee ugu horeeyay horyaalka ingiriiska xiliciyaareed kaan
Xiliciyaareed kaan ayaa lamid ah kii 2013-2014 markaas oo uu tababare u ahaa David Moyes, waxayna shaqaysatay United 10-dhibic 7-dii kulan ee ugu horeeyay.
Waxaa jira isku dhacyo u dhexeeya tababare Jose Mourinho iyo ciyaartoyda qaar, waxaana hormuud ka ah cadoonka ku wajahan tababarahaan Paul Pogba.
