Inter Milan ayaa booqaneysa kooxda PSV Eindhoven kulankooda Labaad ee Koobka Champions League.
Inter ayaa guul muhiima waqti dambe ka gaartay kooxda Spurs kulankii furitaanka, halka PSB ay guuldarro xoogan kasoo gaartay Barcelona.
Ogeysiiska Cayaarta
Tartanka: Champions League
Waqtiga: 10:00 pm ( SGA )
Garsooraha: Milorad Mazic ( Serbia )
Garoonka: Philips Stadion
Wararka Labada Koox
Ryan Thomas, Dante Rigo iyo Maximiliano Romero ayaa weli ka dhaawacan kooxda PSV kulanka ay maanta wajaheyso Inter.
Ma jiro waxa isabal ah oo lagu sameynayo kooxdii guuldarrada 4-0 kala kulantay dheeshii ay u martiyeen Barcelona kulankii kowaad.
Dalbert, Roberto Gagliardini iyo Joao Mario ayaa dhammaantood laga reebay safka kooxda ee loo magacaabay cayaarta Champions League ee PSV. Sime Vrsaljko ayaa kaliya ah laacibka ka dhaawacan.
Milan Skriniar ayaa ka cayaaray booska dambeedka midig kulankii Tottenham laakiin wuxuu ku laabanayaa kooxda wadnaha dhexe ee daafa cayaarta ay ka hor imaanayaan Eindhoven.
Lautaro Martínez ayaa dhaliyay goolkiisii ugu horreeyay ee kooxda Inter kulankii todobaadkan laakiin waxaa la filyaa in uusan kusoo bilaaban safka cayaartan.
Xaqiiqooyinka Dheeshan.
Kooxda Nerazzurri kulankii ugu dambeeyay oo ay booqdeen Netherlands waa cayaar ay barbaro 2-2 la galeen kooxda Twente xagaagii 2010/11 kulan heerka group-yada koobka Champions League, waxayna yihiin guuldarro la’aan cayaaraha ay u mariteen kooxaha horyaalka Eredivisie waana lix cayaar ( 2 guul iyo 4 barbaro).
Guri iyo banaanka, Inter waa guuldarro la’aan sagaalkii dheel ee la dheeshay kooxha reer Dutch (6 guul iyo 3 barbaro), tan iyo qasaaro 1-0 oo gurigooda ay kala kulmeen kooxda Feyenoord kal cayaareedkii 2001/02 afar dhamaadka koobka UEFA Cup.
Kooxda Luciano Spalletti ayaa shabaqa ilaashatay afar kulan 13kii dheel ee u dambeysay.
Shaxda Macuuqlka
