Shir looga hadlayo dastuurka oo ay isugu yimaadeen Guddiyada dib u eegista dastuurka ee heer federaal iyo dowlad-gobolleedyada ayaa maanta Garoowe ka furmay.
Waxaa shirka looga hadli doonaa inta uu socdo shan cutub oo ku jira dastuurka oo wax ka beddel lagu sameeyay.
Muddo Saddex maalin ayuu shirkani qaadan doonaa waxaa qodob looga dooddi doono kamid ah cutubyada wax laga beddelay ee dastuurka, sida uu sheegay guddoomiyaha guddiga dib u eegista dastuurka Soomaaliya,Senator Cabdi Xasan Cawaale (Qayb-diid) .
Geeddi socodka dastuurka Soomaaliya ayaa qorshaha uu yahay in lasoo dhamaystiro kahor sannadka 2020 oo la qorsheeyey in la qabto doorasho shaqsi iyo cod, inkastoo caqabado dhanka ammaanka ah uu ka jiro dalka qaybo ka mid ah.
