Waxaa digniin laga soo saarayaa duufaano ku soo wajahan Soomaaliya taa oo lagu magacaabo Luban, waxaana la sheegay in ay marka hore ay ku dhufan doonto dalka Cuman.
Maalinta Jimcaha ayaa la sheegay in duufaanta ay ku dhufan doonto dalka Cuman waxaana ay u soo gudbi doontaa Soomaaliya iyadoo ka soo talaabeysa dalka Yeman.
Duufaanta Luban ay wadato roobab xoogan , waxaana xarunta digniinaha Mareykanka ay sheegtay in heerka duufaanta kusoo wajahan dalalka Cuman , Yaman iyo Soomaaliya in ay tahay heerka 1-aad.
Sida lagu sheegay digniinta Duufaantan Luban ayaa lagu wadaa in ay cirifka bari ee Soomaaliya ku dhufato saacadaha hore ee Axadda, ayadoo dabaylahana la qiyaasayo in xoogoodu uu noqon doono kuwo ilaa 60 mayl saacaddiiba ku socda.
