Ra’isul wasaaraha xukuumadda Federalka Soomaaliya Xasan Cali Kheyre oo boqolaal shacab ah kula hadlaya halka uu ka dhacay maanta oo kale qaraxii Soobe 14-Oct-2017-dii ayaa sheegay in dowladda Soomaaliya ay waxbarasho lacag la’aan ah siineyso caruurtii waalidiintood lagu laalay weerarkaas.
Boqlaal Shacab ah ayaa maanta isugu yimid halka uu qaraxasu ku dhuftay in kabadan 500 oo qof ay ku dhinteen halka dhaawacana tiro intaas kabadan laga soo weriyay.
Guddiyadii ka qayb qaatay gurmadka loo fidiyay dadkii dhibaatadu kasoo gaartay weerarkii Soobe ayaa laga dalbaday in wasaaradda waxbarashada u gudbiyaan liiska caruurta waalidiintoodii ku waayay qaraxaasi.
