Safiirka dawladda Turkey ee Soomaaliya Danjire Olgan Bekar oo kulan la qaatay Taliyaha Ciidanka Booliska Soomaaliyeed Sarreeye gaas Bashiir Cabdi Maxamed “Ameeriko” ayaa sheegay in Turkiga uu kordhinyo Tababarada ay siiso Booliska iyo siddii Ciidamada booliska labada dhinac ay u yeelan lahaayeen wada shaqeyn aad u wanaagsan.
Kulanka waxaa ka qeyb galay saraakiil katirsan Booliska Soomaaliyeed iyo kuwa ka socday Turkiga iyadoo Safiirka dawladda Turkiga u fadhiya Soomaaliya Danjire Olgan Bekar iyo Masuuliyiintii la socday ay Hadiyad iyo Bilad sharaf guddoonsiyeen Taliyaha Ciidanka Booliska waxaana ay ku amaaneen shaqada culus ee uu hayo iyo isbadalka horumarineed ee uu ka sameeyey Taliska Booliska.
Turkiga ayaa Soomaaliya ka taageera dib u dhiska ciidamada xoogga dalka waxaana dhowr jeer uu soo saaray ciidamo badan oo uu tababaray halka kuwo kalena dibadda loo qaaday.
