Muwaadiniin Soomaaliyeed oo tiradoodu gaareyso 17 qof ayaa dib loogu soo celiyay magaalada Muqdisho kuwaa oo ku sii jeediyay magaalada Kampala ee dalka Uganda.
Diyaaradii ay saarnaayeen ayaa lagu hakiyay garoonka diyaaradaha ee Joma Kenyatta waxaana loo diiday in ay u sii gudbaan dalka Uganda waxaana lagu eedeeyay inay buuq iyo rabshado ka sameeyeen garoonka diyaaradaha.
Gordon Kihalangwa oo ah Sarkaal u hadlay laanta socdaalka Kenya ayaa sheegay in dadkan Soomaaliyeed dib loogu celiyay Muqdisho ay ahaayeen kuwo aanan haysan dukuminti rasmi ah iyo oggolaansho dhinaca ammaanka ah.
Safaarada Soomaaliya ee dalka Kenya ama Wasaarada Arrimaha Dibada dalka kama hadlin dhibaatooyinka Soomaalida ku haysta garoomada diyaaradaha dalka Kenya.
