Wasiirka kaluumeysiga iyo Kheyraadka Badda ee JFS Cabdillahi Bidhan Warsame ayaa talaadadii kulan la qaatay safiirka dowladda Shiinaha ee u fadhiya Soomaaliya Qin Jian.
Dowladda Shiinaha ayaa Soomaaliya u balan qaaday kala shaqeynta wasaaradda Kalluumeysiga ee Soomaaliya arrimo badan oo ay ka mid yihiin: dhisidda kaabeyaasha dhaqaalaha, keenidda finijeerro qaboojiyeyaal ah iyo waliba dhisidda machad lagu daraaseeyo wax soo saarka kalluunka iyo kheyraadka badda ee dalka.
Safiirka Shiinaha u fadhiya Soomaaliya ayaa sidaasi u balan qaaday dalka kadib kulan uu la qaatay Wasiirka kaluumeysiga iyo Kheyraadka Badda ee JFS Cabdillahi Bidhan Warsame.
Wasiir Cabdillahi Bidhan Warsame ayaa waxa uu booqan doonaa dhowaan dalka China iyada oo uu ujeedku yahay sidii hore looga sii ambaqaadi lahaa heshiisyadii labada dowladood kala saxiixdeen markii uu Madaxweyne mohamed Abdullahi Maxamed booqday China.
