Mudanayaasha Baarlamaanka Federalka Soomaaliya oo maanta kulankoodii caadiga haa ku yeeshay magaalada Muqdisho ayaa waxa ay kaga wada hadleen dagaal beeleedka ka socda Deegaanka Dhumay ee Gobalka Sool.
Kulanka mudanayaasha Baarlamaanka waxaa shir gudoominayay Maxamed Mursal sheikh Cabdiraxmaan oo ah gudoomiyaha BF waxaana uu dhalinyarada,isimada, iyo waxgaradka kasoo jeedo beelaha dirirtu ku dhexmarayso ugu baaqay in ay kaalin mug leh ka qaataan joojinta dagaalkaasi.
Shalay ayey ahey markii Ra’isul wasaare Kheyre oo ku baaqay in la joojiyo colaada ka taagan deegaanka Dhumay, waxaana baaq mid kaas lamid ah uu ka soobaxay Xildhibaanada Baarlamaanka Soomaaliya.
Dagaalkaani beelaha walaalaha ah ku dhexmaraayey maalmahaan deegaanka Dhumay ee Gobalka Sool ayaa sababay dhimasho fara badan iyo dhaawac iyadoo dhaawacyada ku waxyeeloobay dagaal beleedkaani loola cararay Magaalada Laas-caanood.
