Kulan ay maanta ku yeesheen magaalada Muqdisho Golaha Wasiiradda Xukuumadda Federalka Soomaaliya ayaa lagu ansixiyay miisaaniyadda dowladda sanadka 2019 oo gaareysa US$ 340,060149 (Sedax Boqol iyo Afartan Milyan, Lixdan Kun Boqol iyo Afartan iyo Sagaal Doolar)
Ra’iusl wasaare Xasan Cali Kheyre ayaa shir gudoominayay kulanka waxaana si aqlabiyad leh loogu meel mariyay miisaaniyadda oo tii sanadkii hore kabadan 274.6 Milyan oo doller.
Wasiirka Maaliyadda ayaa sheegay in ilaha laga helayo dhaqaalaha miisaaniyadda loo qorsheeyay 2019 ay ugu wayntahay dakhliga gudaha laga soo aruuriyo, waxa uuna u mahadceliyay shacabka Soomaaliyeed oo dawladda kala shaqeeyay canshuur aruurinta si loo gaaro isku filnaansho dhaqaale.
Xukuumadda federaalka Soomaaliya ayaa miisaaniyadda ay maanta ansixisay waxa ay u gudbinaysaa golaha sharci dejinta dalka si ay u meel mariyaan.
Dawladda ayaa dhaqaalaha loogu tala galay miisaaniyadda 55.8% (189.9 Milyan) ka filaysa gudaha, 44.2% (124.6 Milyan) waxaa ay ka imaanaysaa deeqaha dawladda la siiyo.
Bandhiga Media 2019
