Wakiilka Qaramada Midoobay u qaabilsan Soomaaliya Nicholas Haysom iyo saraakiil ka socota Midowga Africa ayaa maanta gaaray magaalada Baydhabo ee xarunta maamulka koofur Galbeed Soomaaliya.
Madaxweynaha Maamulka Koofur Galbeed Shariif Xasan Sheekh Aadan ayaa magaalada Baydhabo kula kulmay mas’uuliyiinta waxaana ay kawada hadleen khilaafka u dhaxeeya dowladda Federaalka ah iyo dowlad Goboleedyada.
Intii uu kulanka socday waxa ay kawada hadleen doorashada Madaxtinimada ee bisha soo socota ka dhaceysa degaannada Koofur Galbeed.
Waa booqashadii labaad uu Danjire Nicholas ku tago maamul goboleed Soomaaliyeed maalin ka hor ayay gaareen magaalada Kismaayo Wakiillada Qaramada Midoobey iyo Midowga Afrika Waxaana ay wali waddaan dhexdhexaadinta dowladda dhexe iyo dowlad Goboleedyada.
