Wareegto kasoo baxday Wasaaradda Arrimaha Gudaha ee maamul goboleedka HirShabelle waxaa xilka qaadi loogu qaaday Duqa magaalada Beledwayne mudane Cali Cabduqaadir Faarax.
Sida laga soo xigtay digreetada oo soo baxday xalay oo Khamiis ahayd, shaqo ka eryidda ayaa ka dambeysay markii Faarax uu sameeyay amar diido iyo xil gudasho la’aan, taasi oo soo dedajisay inuu xilkiisa uu waayay.
Wasaaradda ayaa mudane Khadar Xasan Afrax, umagacoway duqa cusub ee xarunta gobolka Hiiraan, taasi oo ay ka jirto xiisad salka ku haysa khilaaf ka dhashay shaqo xoojin uu Gudoomiyaha gobolka u sameeyay Faarax kahor inta jagada laga xayuubin.
Duqa xilka qaadista lagu sameeyay oo mar sii horeysay oo shalay oo Khamiis ahayd la hadlay warbaahinta ayaa wuxuu sheegay in kaliya wasaarada ay isaga ku sameyn karto xilka qaadis iyo shaqo joojin.
Ma cadda hadii uu u hogaan-sami doono war-saxaafadeedka kasoo baxay Wasaaradda Arrimaha Gudaha dowlad goboleedka HirShabelle, taasi oo uusan ka hadlin ilaa iyo haatan Cali Cabduqaadir Faarax.
