Tababaraha kooxda kubadda cagta Chelsea, Maurizio Sarri ayaa ugu dambayn go’aan ka gaadhay kabtanka rasmiga ah ee kooxdiisa u xidhan doona calaamadda masuulka garoonka dhexdiisa xili ciyaareedkan.
Sarri oo bishii July loo magacaabay tababaraha ayaa ay waqti ku qaadatay inuu go’aan ka gaaro kabtanka uu u xulanayo hoggaaminta kooxda, taas oo inta badan xili ciyaareedkan uu xirnaa laacibka reer Spain ee Cesar Azpilicueta, hase yeeshee aan hadda kusoo bixin doorashada koowaad ee Sarri.
Eden Hazard oo ay kooxdu ka rajaynayso inuu heshiis cusub u saxeexo ayaan la siinin fursad uu ku xirto calaamadda kabtanimada oo uu dareemi lahaa door masuulnimo iyo xil cusub.
Tababare Maurizio Sarri waxa uu dib usoo celiyey difaaca ruug-caddaaga ah ee Garry Cahill oo xili ciyaareedkii horena ahaa balse inta badan xili ciyaareedkan maqnaa.
Tababaruhu waxa uu sheegay in kabtankiisa koowaad uu yahay Cahill hase yeeshee marka uu maqan yahay uu calaamad-sharafta xidhan doono difaaca reer Spain ee Cesar Azpilicueta.
