Warbaahinta Bandhiga Media ayaa heshay xog faahfaahsan oo ku saabsan inuu Shariif Xasan go’aansaday inuu isaga haro Doorashada Koonfur Galbeed kadib cadaadis xoog leh oo soo fuulay.
Hadal heynta ah inuu Shariif Xasan Shiikh Aadan xilkaan iska casili doono ayaa tan iyo Shalay ka socotay Magaalada Baydhabo waxayna haddana u muuqataa inay tahay arrin dhab ah oo dhici karta.
Shariif Xasan ayaa la tilmaamay in uu kulan u socday maalmihii la soo dhaafay Mukhtaar Roobow oo kamid ah musharixiinta madaxtinimo ee maamulka Koofur Galbeed waxaana ay kawada hadleen xaaladaha jira iyo masiirka maamulka Koofur Galbeed sida warar lagu kalsoonaan karo ay sheegeen, balse si cad looma oga waxa uu ku saabsanaa kulankooda.
Xildhibaanada taageersan Shariif Xasan ayaa soo jeediyey inay Guddiga doorashada ku qanciyaan in dib loo dhigo waqtiga Doorashada oo ah 17 Bishaan balse 15 kamid ah Xubnaha Guddiga ayaa arrintaas ka hor imaaday.
Shariif Xasan ayaa la filayaa inuu Maalinta Berri ah ka dhoofo Magaalada Baydhabo isagoo ku wajahan Magaalada Nairobi ee Xarunta Kenya.
Wixii warar ah ee ku soo kordha kala soco www.Bandhigamedia.com
