Xukuumada cusub ee dowladda Talyaaniga ayaa xirtay xeradii labaad kadib markii ay jartay miisaaniyadii loogu talogalay dadka qaxootiga ah.
Xerada qaxootiga ee dowladda Talyaaniga xertay ayaa dhacda deegaanka Castelnuovo di Porto waxaana ay u dhaw dahay magaalada Roma oo ah caasimadda Talyaaniga, waxaana ay aheyd xaruntii labaad ee ugu weynd ee qaxooti lagu hayo, 500 oo qof ayaa si qasab ah looga saaray,iyadoo aysan jirin digniin hore.
Qaxootiga halkaa lagu hayay oo Boqolaal ah ayaa isugu jira kuwa aan heysan daganaasho, waxaana kamid ah caruur iyo haween.
Qaramada Midoobay iyo hay’adaha kale ee xaquuqul insaanka ayaa horey uga digay ololaha ay wado dowlada cusub ee Talyaaniga ee lagu faquuqayo dadka qaxootiga kadib markii ansixiyeen sharci cusub oo meesha ka saaraya in badan oo kamid ah xaquuqda horey loo siinjiray Qaxootiga ku sugan gudaha dalkaasi.
Waxaa dhawaan lagu wadaa in dowlada ay sidoo kale xirto xerada ugu weyn ee lagu hayo qaxootiga dalkaasi oo ku taal jasiirada Sicily.
