Madaxweynaha maamulka Koofur Galbeed Soomaaliya ayaa kulan la qaatay wafdi ka socday xafiiska Qaramada Midoobay ee Soomaaliya ee marka magaciis la soo gaabiyo loo yaqaano UNSOM.
Kulan ay ku wada yeesheen xafiiska madaxtooyada maamulkaasi waxaa goobjoog ka ahaa wasiiro katirsan dowlad goboleedka Koofur Galbeed waxaana wafdiga UNSOM hogaaminayay wakiilka u jooga magaalada Baydhabo.
Madaxweynaha Koonfur Galbeed Cabdi Casiis Xasan Maxamed(laftagareen) ayaa sheegay in labada dhinac ay ka wada hadeen sidii ay qeyb uga qaadan lahaayeen shirarka dib u heshiisiin ee Maamulkiisa ka wado Baydhabo.
Wafdiga UNSOM ayuu sheegay iney ku amaaneen kulumada dib u heshiisineed ee lagu qabtay magaalada Baydhabo waxayna balan qaadeen ka sii doonaan sidii Al-Shabaab looga saari lahaa deegaanada KGS sida lagu sheegay war ka soo baxay xafiiska UNSOM.
