Madaxweynaha dowladda Jabuuti mudane Ismaaciil Cumar Geelle ayaa ka hadlay Qorshaha Ciidamada AMISOM ay kaga baxayaan Soomaaliya iyadoo ciidankiisu ay qeyb ka yihiin howlgalkaasi.
Waxaa uu sheegay in dowladda Jabuuti ay ka go’an tahay in Ciidanka AMISOM ay ka baxaan Soomaaliya.
Madaxweyne Geelle ayaa dhanka kale tilmaamay muhiimada ay leedahay in la dardargeliyo howlaha Ciidamada AMISOM ay kaga baxayaan Soomaaliya.
Waxaa uu hoosta ka xariiqay in ay jiraan ciidamo Soomaaliya ay u tabareen AMISOM iyo dowlado kale sida dowladda Turkiga.
Dhanka kale, madaxweyne Geelle oo soo hadal qaaday qorshaha ka bixitaanka AMISOM ee Soomaaliya ayaa sheegay in shacabku ay farxad u tahay in ay arkaan ciidamadooda oo u heellan sugitaanka amniga guud ee dalka.
Madaxweynaha dowladda Jabuuti ayaa sidoo kale sheegay in dowladiisa ay tahay dowladda Ciidamada ugu yar ay ka jooggaan Soomaaliya sababtuna ay tahay in ay taageero iyo tababar joogto ah ay siiyaan Ciidanka Soomaaliya.
Dhageyso: Hoos ka dhageyso codka Madaxweynaha Jabuuti oo dhameystirsan
