Wasiirka Gaashaandhiga Xukuumadda Federaalka Soomaaliya Xasan Cali Maxamed “Amar dambe” ayaa ka warbixiyay Safar uu ku tagay Dalka Qatar iyo kulamo uu lasoo qaatay Masuuliyiinta Dalkaasi.
Dowladaha Soomaaliya iyo Qatar oo iskaashi ku aadan dhinaca ciidamada xoogga dalka horay u lahaa, ayaa waxa ay sidoo kale isla garteen wada shaqeyn dhaw oo ku saabsan xoojinta xiriirka Militry ee Soomaaliya iyo Qatar.
Wasiirka Gaashaandhiga Xukuumadda Federaalka Soomaaliya Xasan Cali Maxamed “Amar dambe” oo kulan la qaatay mas’uuliyiin katirsan wasaaradda Gaashaandhigga Qatar aya waxa uu sheegay in Wasiirka Gaashaandhiga Dalka Qatar ay isku af garteen sidii xiriir dhow iyo wada shaqeyn ay u yeelan lahaayeen Labada Wasaaradood.
Wasiirka Gaashaandhiga Soomaaliya ayaa sheegay in Talaabooyin hormar leh loo qaaday dadaalka loogu jiro sidii dib loo soo celin lahaa Ciidankii lagu yaqaanay Soomaaliya ee Afrika, isagoo u mahad celiyay Dowladaha Qalabka iyo Tababarada ka taageera ciidamada xoogga dalka.
