Xildhibaan Duraan Cali Jaamac oo kamid ah xildhibaanada Maamulka Galmudug ayaa waxa uu ka hadlay khilaafka soo laab laabtay ee ka taagan maamulka Galmudug isaga oo wareysi siinaya Idaacada Bandhiga.
Xildhiban Duraan ayaa ka hdlay kala qeybsanaanta xildhibaanada maamulka Galmudug oo qaarkood ay ku shaqeeyaan magaalada Dhuusamareeb halka qaar kalena ay joogaan magaalada Cadaado.
Dib u dhaca ka jira shaqada maamulka Galmugud waxa uu sidoo kale ku eedeeyay iney qeyb ka tahay dowladda Federalka waxaana uu sheegay in lakala qeybiyay madaxda Maamulkaasi.
Xildhibaanka ayaa sheegay in wax khilaaf ah uusan ka dhaxeynin xildhibaanada kala duwan ee Galmudug balse waxa uu tilmaamay in heshiiska laga rabo madaxda ugu sareysa Galmudug.
Ugu dambeyn waxa uu sheegay xildhibaanka in dowladda Federalka laga doonayo iney caddeyso go’aankeeda khilaafka Galmudug.
Dhageyso: Wareysiga oo dhameystiran.
