In kabadan 1.5 Million oo Soomaali ah ayaa wajahanaya xaalad cuno yari ah tan iyo bishii June ee sanadkii hore xili roobkii Dayrta waxbadan uusan ka da’in deegaanada Soomaaliya, sida lagu sheegay war ka soo baxay xafiiska Qaramada Midoobay ee magaalada Muqdisho
Sidoo kale waxaa Qaramada Midoobay ay digniin ka soo saartay in ku dhawaad Hal Milyan oo caruur ah wajahi doonaan xaalad nafaqo darro ah sanadkan 2019 kuwaa oo da’dooda ka yartahay 5 sano jir.
Roobkii da’ay xiligii deerta ayaa la sheegay in uu aad u soo daahay islamarkaana uu yaraa, waxana bartamaha iyo waqooyiga Soomaaliya ka da’ay roob cabirkiisu dhan yahay 25 ilaa 50 % iyadoo la eegayo heerka ay dhantahay dhibicda roobka, mana jirin dadaad iyo fatahaad uu sameeyay roobkaasi.
Warka ka soo baxay xafiiska Qaramada Midoobay ee looga hadlay xaaladaha biniaadanimo ee dalka ayaa sidoo kale lagu sheegay in marwalba la filan karo macluul iyo xaalado ka dhasha roob yarida oo ku dhufta deegaano dhowr ah oo dhaca Soomaaliya.
