Guddiga Midowga Afrika ayaa shaaciyey inay taageeri doonaan qorshaha Dowladda Somalia ku doonayso in loo cafiyo Lacagaha daymaha Caalamiga ee lagu leeyahay, taasi oo caga-cagaynayso 4.6 Billion oo Dollar.
Ururka Midowga Afrika waxaa uu sheegay in haddii Soomaaliya laga cafiyo Lacagaha Daymaha inay taasi u oggolaan karto Sonalia inay helaan Kaalmayn Caalami ah.
Hadalkaasi ayaa soo baxay, kadib, markii ay Saraakiisha dowladda federalka Soomaaliya, Ururadda Bulshadda Rayidka, Ururadda Horumarinta Caalamiga ayaa ugu baaqay Ururka Midowga Afrika inay u ololeeyaan sidii Somalia looga cafin lahaa Daymaha lagu leeyahay.
Wasiirka Qorsheynta, Maalgashiga iyo Dhaqaalaha ee DFS, Jamaal Maxamed Xasan ayaa sheegay inay Somalia u baahan tahay Iskaashi, si looga cafiyo Daymaha lagu leeyahay, wuxuuna hoosta ka xariiqay inay taasi taageero ka geysan doonto Qorshaha Horumarinta ee Somalia.
Wasiirka Arrimaha Dibedda ee DFS, Axmed Ciise Cawad ayaa isagana sheegay haddii la cafiyo Daymahaasi inay taasi la micno tahay inay wax badan laga qaban karo Arrimaha Gudaha Somalia, gaar ahaan Arrimaha dadka Barakacayaasha oo ay horey Madaxda dalalka Afrika uga hadleen Kulankoodii 32-aad ee shalay ugu soo gebageboobay magaalladda Addis Abeba.
Bandhiga Media
Muqdisho, Soomaaliya
