Magaaladani Muqdisho ee caasimadda dalka, ayaa la filayaa inay maanta dib ugu soo laabtaan maxaabiis Soomaali ah kuwaas oo ku xirnaa xabsiyo ku yaalla dalka Iran.
Soo deynta maxaabiistani ayaa ka dambeeysay kaddib wada hadal dhexmaray dowladda Federaalka Soomaaliya iyo dhiggeeda Iran sida ay sheegeen masuuliyiin u hadlay Soomaaliya.
Dhibaatooyin kale duwan ayaa xabsiyadii ay ku xirnaayeen ee Iran ku heysatay sida laga soo wariyay kal hore.
Maxaabiista oo la sheegay in ay u badan yihiin dhallinyaro, ayaa lagu wadaa in maanta ay ka soo degaan garoonka diyaaradaha Aadan Cadde ee magaalada Muqdisho.
Dowladda Soomaaliya ayaa sidaan oo kale dib ugu soo celisay maxaabiis Soomaali ahaa kuwaas oo ku kala xirnaa xabsiyo kala duwan oo ku yaalla dalal kala duwan oo caalamka ah sida Ethiopia, Seychelles, Hindia iyo Libia meelo kale, iyada oo ay balan qaadeen in dalka lagu soo celinayo dhamaan Soomaalida ku xiran dalalka kala duwan ee caalamka.
Bandhiga Media
Muqdisho, Soomaaliya
