War goor dhow soo gaaray xarunta dhexe ee Idaacadda Bandhiga ee magaalada Muqdisho ayaa sheegaya in uu garoonka diyaaradaha ee Aadan Cadde ka soo degay safiirka Soomaaliya ee dalka Kenya Amb. Maxamuud Axmed Nuur (Tarzan).
Imaatinka Xamar uu soo gaaray Amb. Tarzan ayaa daba socda go’aankii dowladda Kenya ay ugu yeertay safiirkeedii fadhiyay Muqdisho islamarkaana safiirkii Soomaaliya ku amartay inuu dalkeeda degdeg kaga baxo.
Dowladda Kenya ayaa Denjire Tarsan ku Amartay in dalkeeda isaga baxo kadib markii uu xumaaday Xiriirkii Diblumaasiyadeed ee kala dhaxeeyay Soomaaliya oo ay sheegtay in ay kusoo xad-gudubtay hantida dadka reer Kenya
Xoghayaha joogtada ee Wasaaradda arrimaha dibadda ee Kenya Mr Macharia Kamau ayaa sheegay in Kenya aysan marnaba iska indha tiri doonin arrinkan.
Dowladda Federaalka Soomaaliya ayaa la filayaa inay jawaab ka soo saarto tallaabadii Kenya ay qaaday ee ay dalkeeda kaga soo saartay safiirkii Soomaaliya Kenya u fadhiyay Lt. GEN. Locus Tumbo.
Bandhiga Media
Muqdisho, Soomaaliya
