Wararka ay heleyso idaacadda Bandhiga ee magaalada Muqdisho ayaa sheegaya in madaxweynaha Soomaaliya mudane Maxamed Cabdullaahi Maxamed(Farmaajo) uu socdaal u yahay magaalada Addis Ababa ee caasimadda wadanka Itoobiya.
Ilwareedyo muhiim ah ayaa sheegaya in madaxweyne Farmaajo uu Addis Ababa kulamo kula soo qaadan doono madaxda dalka dariska aynu nahay ee Itoobiya.
Raysal wasaaraha Itoobiya Abiy Ahmed ayaa kamid ah madaxda uu kulamada la qaadan doono.
Wararka ayaa intaas ku daraya in labada masuul ay ka wada arrinsan doonaan adkeynta xiriirka dowladaha Soomaaliya iyo Itoobiya iyo sidoo kale qorshaha iskaashiga ganacsiga.
Madaxtooyada Soomaaliya ayaa weli wax faahfaahin ah ka bixin safarka Itoobiya ee madaxweyne Maxamed Cabdullaahi Farmaajo.
Bandhiga Media
Muqdisho, Soomaaliya
