Wasiirka Wasaradda Maaliyadda Dawladda Puntland Mudane Xasan Shire Cabdi ayaa saaka kormeer ku tagay Goobaha Dakhliga Sida Cashuuraha Berriga Gobolka Nugaal, Xafiiska Kastamka Gobolka Nugaal, iyo Garoonka Diyaaradaha.
Wasiirka ayaa kormeerkiisa waxaa ku weheliyay Agaasime guud kuxigeenka Dakhliga Mudane Xasan Cali Samatar, Agaasimaha guud ee W/Maaliyadda Mudane Cabdirisaaq Maxamed Xasan, Xoghayaha Wasaaradda Axmed Jamac Xasan iyo masuuliyiin kale.
kormeerkan Wasiirka Maaliyadda Dawladda Puntland ayaa ahaa uguur galid ku aadan dhanka shaqada waxana uu kulan la qaatay masuuliyiinta wasaradda maaliyadda laamaha uu booqashada ku tagay aydoo Wasiiru wax ka waydiiyay hab usocodka shaqada.
Wasiirka wasaradda Maaliyadda Dawaldda Puntland ayaa madaxda laamaha Maaliyadda ee uu booqday u sheegay in loo baahan yahay in la xoojiyo wax soo saarka dhanka dakhliga loona baahan yahay in la sameeyo ilo kale oo dakhli.
kormeer kaasi markii ay soo afmeereen ayaa wasiirka Wasaaradda Maaliyadda Dawladda Puntland waxa uu Bulshada reer puntland ee ay cashuurtu ku waa jibtay ugu baaqay in ay cashuurta bixiyaan si dalku hurumar u gaaro.
“Bulshada reer Puntland ee ay Cashuurtu ku waa jibtay waxaan u sheegaynaa in ay bixiyaan Cashuurta ayna nagula xisaabtamaan waana hubaal dawladnimadu waxa ay ku dhisan tahay cashuurta oo la bixiyo si loogu adeego bulshada”.
HOOS KA DAAWO SAWIRRADA:
Baahintii
Xafiiska Wacyigalinta iyo Warfaafinta Wasaaradda Maaliyadda Dawladda Puntland
Bandhiga Media
Muqdisho, Soomaaliya
