WMadaxweynaha maamulka degaanka Soomaalida Itoobiya Mustafe Muxumed Cumar(Cagjar) iyo wafdi uu hoggaaminayay, ayaa xalay gallinkii dambe socdaal dhanka dhulka ah ku gaaray magaalada Hargeysa ee xarunta Somaliland.
Dorraad oo aan idiin soo gudbinay warbixinta safarka madaxweynaha ayaa lagu wadaa in uu ka qeyb qaato dhagax dhigga wadada Berbera illaa Wajaale.
Wafdigan waxaa Wajaale kaga hortagay Wasiiro iyo mas’uuliyiin kale oo ka tirsan Somaliland, iyadoo la dejiyay mid kamid ah hoteelada magaalada Hargeysa.
Ujeedka socdaalka wafdiga waxaa lagu sheegay iney ka qeyb galayaan mashruuc beri la filayo in lagu dhagax dhigo wadada isku xirta magaalooyinka Berbera iyo Wajaale, kaasoo loogu magac daray (Berbera Corridor).
Wasiirka arrimaha gudaha Somaliland Maxamed Kaahin Axmed ayaa sheegay in dhagax dhiga wadadaas kulan labo geesood yeelan doonaan Mustafa Cagjar iyo Madaxweyne Muuse Biixi ai, iyadoo lagu soo wareejin doono magaalooyinka kale ee Somaliland.
Sidoo kale waxaa magaalada Hargeysa ku sugan wafdi ka socda Imaaraatka Carabta, kuwaasoo iyagana u yimid ka qeyb galka dhagax dhiga wadada.
Bandhiga Media
Muqdisho, Soomaaliya
