Ra’iisul wasaaraha Xukuumadda Federaalka Soomaaliya iyo Wafdi uu hoggaaminayo ayaa goordhow gaaray Magaalada Kismaayo ee caasimadda KMG ah ee maamulka Jubbaland.
Wafdiga Raysal wasaare Xasan Khayre waxaa garoonka Kismaayo ku soo dhoweeyay madaxweynaha Jubbaland, madax kale, masuuliyiin Jubbaland ah iyo dadweynaha magaaladaasi oo isugu soo baxay soo dhoweyntiisa.
Mudane Xasan Cali Khayre oo hadal kooban ka jeediyay garoonka diyaaradaha Magaalada Kismaayo ayaa Madaxda Jubbaland iyo shacabka Kismaayo kaga mahadceliyay sida ay u soo dhaweeyeen waxuuna sheegay in kismaayo uu joogi doono maalmo.
Qaar kamid bulshada magaalada oo ka hadlay socdaalka Ra’iisul Wasaaraha ayaa sheegay in ay aad ugu faraxsanyihiin in uu soo booqdo Ra’iisul wasaaraha qaranku, iyaga oo sheegay in socdaalku muujinayo sida dawladda federaalka iyo dawlad gobaleedyada xubnaha ka ah ay uga go’antahay ilaalinta midnimada iyo wadajirka umadda Soomaaliyeed.
Ra’iisul Wasaare Khayre ayaa la filayaa in uu kulamo la qaato madaxwaynaha Jubaland, mudane Axmed Maxamed Islaam iyo qeybaha kala duwan ee bulshada ku dhaqan magaalada Kismaayo.
HALKAAN HOOSE KA DHAGEYSO:
HALKAAN HOOSE KA DAAWO SAWIRRADA:
Bandhiga Media
Muqdisho, Soomaaliya
