Madaxweyne Maxamed Farmaajo iyo wafdi uu hoggaaminayo oo xalay gaaray magaalada Kampala ee dalka Uganda ayaa maanta halkaasi uga qeyb galaya shirweyne looga hadlayo arrimo kale duwan oo ku saabsan qaaradda Afrika.
Shirkani oo ay ka wada qeyb galayaan Madaxda dalalka Uganda, Koonfur Afrika, Tanzania iyo Kenya, wakiillo ka socda hay’adaha iyo bangiyada caalamiga ah, ganacsato iyo ergooyin kor u dhaafaysa ilaa kun ayaa ah shir-madaxeed looga hadlayo sidii loo heli lahaa Afrika nabdoon, isdhexgalkeedu sarreeyo, isla markaana dhaqaaleheedu kobcayo, kaas oo maanta ka furmaya Magaalada Kampala.
Madaxweyne Farmaajo oo sidoo kale kulamo gaar ah la yeelan doona qaar kamid ah madaxda kasoo qeyb gashay shirka ayaa waxa uu kala hadli doonaa xoojinta xiriirka iyo iskaashiga u dhexeeya Soomaaliya iyo dalalkaas, iyo sidii Soomaaliya loogu gacan siin lahaa geeddi socodka dowlad-dhisidda iyo sidii dowladda gacanta ugu dhigi lahayd degaannada weli ka maqan ee Koonfurta iyo Bartamaha.
Safarkan shaqo waxaa Madaxweynaha ku wehelinaya Wasiirka Arrimaha Dibedda iyo Iskaashiga Caalamiga Danjire Axmed Ciise Cawad iyo Wasiiru Dowlaha Madaxtooyada Mudane Cabdulqaadir Sheekh Cali (Baqdaadi).
Bandhiga Media
Muqdisho, Soomaaliya
