Xaalad aad u adag ayaa laga soo sheegayaa magaalada Baladweyne ee xarunta gobolka Hiiraan, oo heysata dadkii ay horay u saameeysay fatahaadda wabiga Shabeelle.

Caafimaad darro ka dhashay biyo nadiif ah oo dadku ay heli waayeen iyo hooy ay ka galaan dhibicda roobka ayaa kamid ah waxyaabaha aad ugu daran oo dadkaasi heysta.

Guddoomiyaha baarlamaanka Hirshabeelle Sheekh Cismaan Barre Maxamed oo la hadlay Idaacadda Bandhiga ayaa sheegay in ay qarka u saaran yihiin in ay u geeriyoodaan macluul iyo gaajo.

Dhanka kale, guddoomiyaha baarlamaanka Hirshabeelle Cismaan Barre Maxamed ayaa sheegay in waxyaabaha ugu daran ee dalkaasi heysta ay kamid yihiin caafimaad darro iyo suuli la’aan  taasna ay ugu wacan tahay cabsi laga qabo in dadka qaar ay geeriyoodaan.

Waxaa sidoo kale dadkaasi ay badankood la ildaran yihiin xanuunno ka dhashay xaaladda fatahaadda.

Waxaa uu ugu baaqay dowladda Soomaaliya, hay’adaha, shacabka Soomaaliyeed iyo cid kasta oo soo gargaari karto in ay caawiyaan qoysaskaasi.

HALKAAN HOOSE KA DHAGEYSO WAREYSIGA OO DHAN:

Bandhiga Media

Muqdisho, Soomaaliya