Waxaa maanta Maxkamadda gobolka Banaadir markii labaad la horgeeyey Weriye Cabdicasiis Axmed Gurbiye ayaa mar kale dib u dhigtay dhageysiga kiiska dacwadda loo heysto weriyaha oo Tifaftiraha Goobjoog.
Maxkamadda ayaa sheegtay inay guda geli karto kiiskan, iyadoo dalbatay in la waafajiyo qodobka 71-aad ee xeerka ciqaabta Soomaaliyeed. Waxaana garsooraha maxkamaddu uu su’aal yaab leh ka keenay kiiska Weriye Gurbiye, isagoo fadhigii maanta ka shaaciyey in aysan weli cadeyn cida soo eedeysay Weriyaha oo horay loo xiray, haatana damiin ku jooga banaanka.
Garsooraha maxkamadda gobolka Banaadir ayaa sidoo kale xeer ilaalinta ka dalbaday inay sida ugu dhaqsiyaha badan u soo cadeyso cidda soo eedeysay ee dacawada u qabta weriyaha.
Go’aanka ay qaadatay maxkamadda ee ay dib ugu celisay xeer ilaalinta kiiskaasi ayaa waxaa durbo soo dhoweeyey qaar ka mid ah ururada saxaafadda Soomaaliya.
Mogadishu-Somalia
