Wararka ka imaanayo magaalada Beladweyne ee xarunta gobalka Hiiraan ayaa soo sheegaya in Waaran maxkamad oo soo qabasho ah loo jaray Abuukar Xaaji Warsame (Xuud) oo maleeshiyaad badan ku heesta degaanka Ceel-gaal ee duleedka Beladweyne.
Wararkii ugu dambeeyay ayaa sheegaya in Mr Xuud iyo maleeshiyadiisa ay hadda shir la leeyihiin guddoomiyaha gobalka Hiiraan waana wadahadalkii ugu dambeeyay sida aan xogta ku helay.
Xeer ilaalinta Soomaaliya ayaa la sheegay in ay bixisay amarkaan waxaana la ogeysiiyay masuuliyiinta Qaranka oo aad ugu dhow Cali Guudlaawe, iyadoo sidoo kale la ogeysiiyay madaxda HirShabeelle.
Abuukar Xaaji Warsame (Xuud) ayaa muddo todobaad ah hortaagan in Cali Guudlaawe iyo guddoomiyihiisa baarlamaanka ka dagaan Beladweyne waxaana cabsi weyn laga qabaa in dagaal ka qarxo gobalka Hiiraan oo dadkiisa la daala dhacayaan daruufo adag.
Mogadishu-Somalia
