Faah-faahino dheeraad ah ayaa ka soo baxaya qarax ka dhacay halka loo yaqaano Laansaleeti ee degmada Cabdicasiis.
Gaari uu la socday maareeyaha dekedda weyn ee magaalada Muqdisho Axmed Waashinton, ayaa qaraxa lala eegtay walow la sheegay inuu ka badbaaday.
Inta la xaqiijiyey ugu yaraan labo askari oo ka mid ah ilaalada maareeyaha ayaa ku dhaawacmay qaraxaasi, sida ay innoo sheegeen ilo deegaanka ah.
Sidoo kale waxaa goobta gaaray ciidamo ka tirsan kuwa ammaanka oo durbo meesha ay wax ka dhaceen, kuwaas oo baaritaano ka bilaabay halkaasi.
Xalay ayey aheyd markii qarax is-miidaamin ahaa oo dhalinyaro lagu dilay uu ka dhacay wadada aada dhinaca garoonka diyaaradaha Aadan Cadde ee magaalada Muqdisho.
Mogadishu-Somalia
