Sida ilwareedyo uwarramay shabakadda Bandhiga Media ee Magaalada Muqdisho ay sheegeenwaxaa Caawa Abaaro Fiidkii Qarax Miino Muqdisho lagula eegtay gaar ahaan Xaafadda Taleex Sarkaal Ciidamada dowladda Somalia ka tirsan.
Wararka ayaa sheegaya in Qaraxa loo adeegsaday Miino lagu xiray Gaaru uu la socday Sarkaalkaas oo nuuca raaxada ah.
Waxaana inta la xaqiijiyay ku dhaawacmay Sarkaalka Bartilmaameedku ahaa iyo Wiil la sheegay in uu Aabo u yahay oo la saarnaa gaarigaasi.
Qaraxa oo ka dhacay Xaafadda Taleex gaar ahaan Nawaaxiga Carwadii hore ee Taleex ayaa laga maqlay qaar ka mid ah Xaafadaha Muqdisho gaar ahaan Xaafadaha degmada Hodan ee Gobolka Banaadir.
Waxaana wararkii ugu dambeeyay ee aan ka heleyno meesha wax ka dhaceen tilmaamayaan in dhaawacyada ka dhashay qaraxaasi loola cararay Goobaha Caafimaadka iyadoona haatan xaaladu tahay mid degan.
