New York ( Bandhiga Media): Warbixin ay dhawaan soo saartay Qaramada Midoobay ayaa lagu sheegay in 1.5 milyan oo Somali ah ay wajihi doonaan xaalad cuni yari oo saameyn daran yeelan doonta.
Hay’adda FSNAU ee ka digta dhibaatooyinka cuni yarida ayaa xustay in loo baahan yahay kaalmo bani’aadanimo oo deg deg ah, si looga hortago halista ka dhalan karta dhinaca cuni yarida.
Warbixinta QM ay ka soo saartay Somalia ayaa lagu sheegay in xaalada dhinaca cuntada ay ugu daran tahay bilaha September iyo Decemper ee sanadkan.
QM ayaa sababaha cunida yarida ku sheegtay in ay sabab u aheyd abaarihii xooganaa ee ku dhuftay Somalia sannadihii u dambeeyay iyo xilli roobaayadii la soo dhaafay oo aad u yaraa.
Hay’adda FSNAU ayaa dhinaca kale xustay in daweyn iyo nafaqeyn ay u baahan yihiin 294,200 oo caruur Somali ah oo ay ku jiraan 55,200 oo galay marxalad adag
Hay’adaha gargaar ee QM oo kuwa caalamiga ah ee ka howl gala Somalia ayaa si weyn ugu digaya xaaladaha musiibooyinka bani’aadinimo ee xilligan ka taagan gudaha Somalia
