Beeralayda ku dhaqan degmada Balcad ee gobolka Shabeellada Dhexe iyo tuulooyinka degmadaas hoos taga ayaa ka cabsi qaba fatahaad uu sameeyo wabiga Shabeelle.
Cabdsida beeralayda ayaa timid kaddib markii heerka biyaha wabigu uu kor usoo kacay, islamarkaana ay karkaarrada jabsheen qaar kamid ah kanaallada muhiimka ah ee ka baxa wabiga.
Tulooyin ay kamid yihiin Jameeca Misra, Farbaraki iyo Buulo Faay Dhuxul ayaa halis ugu jira iyo wabigu kusoo fataho.
Bishii May ee sannadkan ayay ahayd markii wabiga Shabeelle ku fatahay qaybo kamid ah gobolka Hiiraan gaar ahaan magaalo madaxda gobolkaas ee Beledweyne.
Fatahaaddaas ayaa sababtay khasaare nafeed iyo mid maaliyadeed oo baahsan, iyadoo muddo toddobaadyo ah hakad ku yimid isu socodka dadka iyo gaadiidka.
