Deeqa Daahir Cagadahab oo ah gabar da’yar oo 9 sano jir ah ayaa shalay u geeriyootay rasaas ay isweydaarsadeen ciidan kawada tirsan dowladda oo haleeshay xili ay saarneyd gaari ay kaga timid Iskuulka.
Deeqa ayaa u dhimatay rasaastii haleeshay ka hor inta aan la geynin xarun caafimaad, waxaana meesha isaga dhaqaaqay ciidamadii dowladda ee dilay gabadhaasi da’da yar kuwoo oo isku rasaaseeyay meel u dhawo Isbitaalka Digfeer.
Waalidiinta dhashay Deeqa ayaa dowloadda Federalka Soomjaaliya ka codsaday in cadaaladda la hor keeno naxariislawaayaashii gabadhaas yar oo aheyd iftiin soo baxayay nolosheeda dhaafiyay .
Shacabka Soomaaliyeed ee ku sugan dalka iyo dibadda ayaa aad uga naxay dilka loo geeystay gabadhaasi da’da yar waxaana ay tacsi tiiraanyo leh ay u direen reerkii iyo ehelkii ay kabaxday.
