War qoraal ah oo ka soo baxay Dowladda Federaalka Soomaaliya ayaa Tacsi iyo garab istaag loogu muujiyay Xukuumadda iyo Shacabka Tanzania.
Wasaaradda Arrimaha Dibadda Xukuumadda Federalka Soomaaliya oo soo saartay qoraalkan ayaa u qoranaa sidan:-
Jamhuuriyadda Federaalka Soomaaliya waxa ay tacsi u direysaa Xukuumadda iyo Shacabka saaxiibka ah ee Tanzania kadib markii doonida magaceedu yahay MV Nyerere ku degtay harada Victoria shalay oo khamiis ahayd, kuna beegnayd (20 September), iyadoo siday boqolaal rakaab ah, waxaana ku geeriyooday dad ka badan 100 ruux, halka kuwa kale la la’yahay.
【• Fekerkayaga iyo garab-galkeena waa mid la socda qoysaska iyo shakhsiyaadka dhacdadan naxdinta leh ay ku yeelatay saameyn•】
Xukuumadda Federaalka Soomaaliya waxa ay si hubaal leh u garab taagan tahay Shacabka iyo Dowladda Tanzania waqtigan adag ee xaaladda la soo gudboonaatay.
