Waxaa Magaalada Muqdisho ee caasimadda Soomaaliya dib ugu soo laabtay Wafdigii ka socday Golaha Aqalka Sare ee Baarlamaanka Federaalka Soomaaliya oo loo diray Dowlad Goboleedka Koonfur Galbeed si ay u baadi goobaan xal waarana loogu heli lahaa isfaham ka dhex dhasha DF iyo maamulka Koofur Galbeed.
Wafdiga Aqalka Sare ee loo diray Koofur Galbeed ayaa la kulmay madaxda maamulkaasi iyo qeybaha kala duwan ee bulshada waxaana ay sheegeen in safarkooda uu ku soo dhamaaday guul iyo isfahan.
Axmed Macallim Cumar “Axmed Nadiir” oo ka mid ah Xubnaha Aqalka sare ee loo diray Dowlad Gobolleedka Koonfur Galbeed ayaa sheegay in dowladnimadu ay jecelyihin madaxda iyo maamulka Koofur Galbeed isagoo xusay in inta badan khilaafka xal laga gaaray.
Khilaafka Dowladda Federalka Iyo Maamul goboleedyada dalka waxaa Aqalka Sare oo gudanaya wajibkiisa dastuuriga ayaa u istaagay sidii loo heli lahaa isfaham iyo wada shaqeyn dhab ah.
