Madaxweynaha maamulka Hirshabelle Maxamed Cabdi Waare ayaa magacaabay guddoomiyaha cusub ee gobolka Hiiraan, isaga oo xilkii ka qaaday guddoomiyahii hore ee maamulkaasi oo muddo ka yar sanad xilka hayay.
Wareegto uu soo saaray Madaxweynaha maamul goboleedka Hirshabelle Mudane Maxamed Cabdi Waare ayaa lagu magacaabay gudoomiyaha cusub ee gobalka Hiiraan.
Waxaa gudoomiyaha cusub ee gobalka Hiiraan loo magacaabay Yuusuf Axmad Hagar Dabageed oo horay u soo noqday gudoomiyaha gobalkaasi labo jeer, waxaana xilka laga qaaday Cabdullahi Axmad Maalin Sufurow.
Waregtada ka soo baxday Madaxweynaha Hirshabelle ayaa sidoo kale lagu sheegay in ujeedkedu yahay sidii loo heli lahaa maamul wax ka qabta caqabadaha ka jira gobolka Hiiraan.
Labo sano gudahiis gobolka Hiiraan waxaa loo magacaabay dhowr guddoomiye, waxaana muuqata in cago badan uusan ku fadhin dhismaha maamulka Hirshabelle oo caqabada dhowr ah ku hor gudban yihiin.
