Waxaa magaalada Muqdisho laga dareemayaa u diyaar garowga ciyaaraha xiisaha badan ee caawa lagu soo gabagabeynayo garoonka Stadium koonis ee degmada C/casiis tartanka degmooyinka gobolka Banaadir oo muddooyinkii dambe si xiiso leh uga soconayey magaalada Muqdisho.
waxaa tartankan final-kiisa wada ciyaari doona labada degmo ee Waaberi iyo Shibis, kuwaasoo dadaal dheer kaddib soo gaaray kama dambeysta.
Waaberi ayaa kulankii ugu dambeeyay ee Sami final-ka waxay soo reebtay Degmada Hodan halka Shibis ay soo garaacday Shangaani.
Kooxdii caawa badisaa ayaa loo caleema saari doonaa horyaalka degmooyinka gobolka Banaadir, waxaana sanadkii hore tartanka degmooyinka gobolka Banaadir ku guuleysatay degmada Waabari, oo ka qaatay Hodan.
