Shirkadda maamusha dekadda magaalada Muqdisho ee Albayrak ayaa si rasmi ah u shaacisay lacagta bil walba ka soo xaroota dekadda weyn ee Muqdisho, waxaana lagu sheegay aduun lacageed oo gaaraya $10 Milyan in bil walba la qabto.
Warbaahinta Turkishka ee TRT World oo wareysi la yeelatay mid kamid ah saraakiisha sar sare ee shirkadda Albayrak ayaa waxa uu sheegay in isbadal dhan walbo ah ay ku sameeyeen dekadda marka loo eego sidii ay ahaan jirtay ka hor inta aan lagu wareejin.
Axmad Sami Isler ayaa tilmaamay in dowladda Soomaaliya ay dekadda ka soo saari jirtay bil walba $2.5 Milyan balse ay soo saarto hadda 10 Milyan oo doller.
Sandkii 2014-kii ayaa shirkadda dhismaha ee Albayrak oo laga leeyahay Turkiga waxa ay maamulka dekadda Muqdisho kala wareegtay dowladii uu hogaaminayay Xasan Sheekh Maxamuud, waxaana ay si casri ah u dhistay dekadda iyadoo hagaajisay maamulkeeda.
