Maamulka cusub ee gobalka Hiiraan oo katirsan maamul goboleedka Soomaaliyeed ee Hirshabelle ayaa soo saaray digniin ku socota dadka daga magaalooyiinka iyo deegaanada kala duwan ee gobalka Hiiraan taa oo la xiriirtay arrimo in muddo ah soo jiray.
Guddoomiyaha Gobolka Hiiraan Yuusuf Axmed Xagar (Yuusuf Dabageed) ayaa digiin u diray dadka maxkamada u doonta deegaanada ay maamulaan Al shabaab, waxaana uu sheegay in talaab sharciga waafaqsan ay ka qaadi doonaan.
Dabageed ayaa tilmaamay in uu aad ula socda xaaladda Gobalka Hiiraan oo dad badan maxkamaddo u doontaan Al shabaab waxaana uu balan qaaday in lacag ganaax ah oo cadadkkedu dhanyahay 5,000 oo doller in laga qaadi doono qofkii lagu helo inuu Shabaab u cadaalad doontay.
Mar uu ka hadllayay deegaanada Al shabaab kaga sugan yihiin gobalka Hiiraan ayaa waxa uu tilmaamay in ay weerar ku qaadi doonaan islamarkaana ay ka saari doonaan meelaha ay kaga sugan yihiin Hiiraan.
