Kulan maanta ay wada yeesheen Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) iyo Guddiga Madaxa-bannaan ee Xuduudaha iyo Federaalka ayaa diiradda lagu saaray ballaarinta sohdimaha Caasimadda Muqdisho ay leedahay.
Gudoomiyaha gobalka Banaadir ayaa ku dooday in baahi weyn loo qabo in Muqdisho ay ballaarato, waxaana uu sheegay in dadka Muqdisho ku nool ay sii badanayaan.
Eng Yariisoow ayaa soo jeediyay in Muqdisho la gaarsiiyo labada webi ee Balcad iyo Afgooye, si magaalada ay u balaarato,
Guddiga Madaxa-bannaan ee Xuduudaha iyo Federaalka ayaa door muhiim ah ka qaadanaya federaaleynta dalka, gaar ahaan sidii bulshadu u noqon lahayd kuwa faham u leh hannaanka Federalism-ka.
Arrintan ayaa u baahan in lagala tashto Shacabka ku nool Muqdisho oo la eego rabitaankooda, waxaana xusid mudan in Magaalada qeybo badan oo kamid ah laga dareemayo burbur xoogaan iyo amni darri mararka qaar faraha kabaxda.
