Somaliland ayaa Dr. Abiy Ahmed Ra’isul wasaaraha dalka Itoobiya waxey ka codsadeen in uu dhexdhexaadiyo khilaafka u dhaxeeya Soomaaliya iyo Somaliland.
Maamulka Hargeysa ee Somaliland ayaa codsigan u diray Ra’isul wasaaraha Itoobiya Maadaama uu horey u xaliyay Muranka Itoobiya-Ereteriya, Djibouti iyo Ereteriya iyo khilaafaadka Koonfurta Suudaan.
Axmed Xasan Cigaal oo ah Wakiilka Somaliland u fadhiya magaalada Addis Ababa ee dalka Itoobiya oo la hadlay wakaaladda wararka Itoobiya ee Walta, ayaa sheegay in Somaliland aad u soo dhawaynayso isbedelada uu Raysal wasaare Abiy Axmed ka hirgeliyay gobalka Geeska Afrika.
Somaliland ayaa sheegtay in ay ku qanceen sida uu wax u wado Ra’isul wasaaraha Itoobiya iyagoo sheegay in uu yahay shaqsiga kaliya ee xalin kara Soomaaliya iyo maamulka Somaliland.
