Dacwad ciqaabeed loo haystay 9 Eedeysane oo ka shaqeynaayay waaxda Canshuuraha Dekada Magalaada muqdisho ayaa la hor keenay maxkamadda Gobalka Banaadir Taariikhdu markey aheyd 29/09/2018 kuwaa oo la sheegay iney lunsadeen hanti Dowladeed Gaar ahaan waaxda Canshuraha Dekada Magaalada Muqdisho.
Garyaqaan Muuse Macallim ayaa furay maxkamadda oo ah Gudoomiyaha Maxkamadda Gobolka Banaadir waxaana halkaasi uu ka aqriyay eeda loo heysto dhamaantood, waxaana sidoo kale goobta ku sugnaa qareenada difaacaya Eedaysanayaasha.
Ugu dambeyn Guddoomiyaha Maxkamadda Gobolka Banaadir ayaa ku dhawaaqay in ay Maxkamaddu xiran tahay kana soo saari doonto Qaraar sidoo kale waxaa dib laga soo sheegi doono dhagaysiga dacwada inta ka harsan.
