Dowladda Turkiga oo kamid ah dalalka sida dhaw Soomaaliya ugala shaqeeya arrimaha ciidanka sida tababaridda ciidanka dalka iyo dibaddaba ayaa hadda wada in dugsiga tababarka ee TurkSom lagu tababaro saraakiil katirsan Booliska Soomaaliyeed, kadib dalab kaga yimid taliska Booliska.
Taliyaha Ciidanka Booliska Soomaaliyeed S/Gaas Bashiir Cabdi Maxamed “Ameeriko” oo kulan la qaatay ku-xiggeenka Safiirka dawladda Turkiga ee Soomaaliya Mudane Cali kan iyo Saraakiil tababarayaal Ciidan ah ayaa waxaa looga wada hadlay xoojinta khibradda ciidanka Booliska si amniga Muqdisho ay u sugaan, waxaana codsigasi aqbalay saraakiisha ka socotay dowladda Turkiga.
Xerada tababarada ee TurkSom oo dhacda duleedka magaalada Muqdisho ayaa ah mid ay ciidamada xoogga dalka ka helaan tababaro caalami ah waxaana General Bashiir uu ka dlabaday Turkiga iney sii wadaan horumarinta Booliska Soomaaliyeed.
