Gudoomiyaha Gobalka Banaadir, xubno katirsan labada aqal ee baarlamaanka iyo mas’uuliyeen kale ayaa ka qeyb galay munsabad Maamulka Gobalka Banaadir uu kula wareegay garoonka Minishiibiyo ee degmada Warta nabadda.
Abuukar Maxamed Shiikh oo ah Guddoomiyaha Naadiga Banaadir SC ayaa waxa uu sheegay in garoonkan ay maamulkiisa hayeen 28 sano ee lasoo dhaafay, waxaana uu tilmaamay in uu ku faraxsan yahay in dowlada Hoose ee Xamar in ay maamulka Gobolka Banaadir ku wareejiyaan.
Garoonka Minishiibiyo oo kamid ah garoomada ugu faca wayn ee kubada cagta lagu ciyaaro ayaa xarun tababar u ahaan jiray Naadigii Dowlada Hoose , basle kadib burburkii xukumadii dhexe ee dalka waxaa xarun uu u ahaa naadiga Banaadir Sports Club.
Guddoomiye Gobolka oo xaflada ka hadlay ayaa u mahad celiyay dadkii ku dadaalay in garoonkan uu ka badbaado inuu u gacan galo dad aan bahda Isboortiga ka tirsanayn waxuuna maamulka degmada iyo kan Naadiga Banaadir SC uga mahad celiyay juhdii ay ku bixiyeen.
