Booliska dalka Malaysia ayaa xasbiga dhigay nin Syrian ah oo Todobo bilood ku noolaa garoonka diyaaradaha ee Kuala Lumpur, gaar ahaan qeybta loo yaqaano terminal-ka.
Waa Xasan Al-Kontar oo ka soo barakacay dalka Syria oo dagaalo sokeeye ay ka qarxeen si uu uga fogaado in uu kamid noqdo Militeriga dalkaasi oo lagu amray in uu ku biro.
Mudada uu ku noolaa garoonka diyaaradaha ee Kuala Lumpur waxa uu raadinayay in magangalyo qaxootinimo uu ka helo mid kamid ah dalalka dhaca Qaaradda Yurub laakiin uma suuragelin.
Kontar ayaa sidoo kale loo diiday in uu galo dalka Cambodia, maxaa yeelay wuxuuna waayay Fiisaha Malaysia uu dib ugu soo laaban lahaa, waxaana uu ku noolaa xaalad adag isagoo dhagi jiray musqulaha.
Madaxa soo galootiga Malaysia Mustafar Ali ayaa xaqiijiyay in dowladda ay kala shaqeysay Booliska Malaysia in xabsiga loo taxaabo Xasan Al-Kontar.
Faah-faahin dheeri ah lagama hayo sababta keentay in Kontar laga saaro Garoonka diyaaradaha oo xabsiga la dhigo, maadama dalkiisa uu dhibaato kaga soo cararay.
Bandhiga Media 2018
